A Asociación de Veciños e Veciñas O Lodeiro convoca, como cada primeiro mércores de mes , unha nova concentración para o día 1 de setembro ás 20:00 horas na Praza Pastor Díaz de Viveiro.
O razón desta concentración, como en tódalas ocasións anteriores, é a de seguir reinvidicando xustiza para a situación que estamos a vivir 118 familias de Lodeiro e Ríos dos Foles sobre cuxas vivendas pesa unha sentenza de demolición e que a día de hoxe segue sen estar resolta.
Queremos recordar a todo o mundo que o Tribunal Superior de Xustiza de Galicia dictou sentenza de demolición das nosas vivendas no ano 2003 e foi ratificada polo Tribunal Supremo no ano 2008. Así mesmo, e despois de levar máis dun ano reclamando xustiza para esta situación, seguimos vivindo día a día a incertidume de ver algún día o noso problema solucionado.
Invitamos a toda a cidadanía a que nos apoie nunha causa na que nós non cometimos ningún tipo de erro.
DÍA: 1 DE SETEMBRO
LUGAR: PRAZA PASTOR DÍAZ
HORA: 20 HORAS.
