Nota de prensa

A Asociación de veciños e veciñas O Lodeiro está a organizar unhas conferencias sobre urbanismo que terán lugar os vindeiros meses de xuño e xullo. Estas conferencias enmárcanse no Proxecto de actividades que leva por nome “As realidades urbanas” para o cal se solicitou unha subvención á Deputación Provincial de Lugo.

O obxectivo destas conferencias é prioritariamente o de facer chegar información básica sobre aspectos relacionados co urbanismo e máis concretamente sobre aquelas construccións sobre as que pesa unha sentenza de demolición co fin de que todo cidadán e cidadá adquira un nivel de información e formación básica sobre esta materia que o faga sentirse máis seguro ante as neglixencias e incluso delitos nos que pode chegar a incurrir unha administración, tanto local como autonómica, en materia urbanística.  Con estas conferencias coloquio queremos ademáis contribuir a  evitar que se volvan a repetir situacións como as que nos está tocando vivir ós veciños e veciñas de Lodeiro que compramos unha vivenda coa confianza de que era unha construcción legal, xa que nós sí que cumprimos todos os requisitos legais para adquisición da mesma,   e pasados os anos nos atopamos con que as nosas casas están pendentes dunha orde de derribo ordenada polos tribunais como consecuencia da anulación de licencias otorgadas ilegalmente pola corporación local que gorbernaba naquel momento. Queremos tamén que estas conferencias sirvan de espacio de debate sobre as necesidades de que se realicen modificacións lexislativas, de que se esixan responsabilidades patrimoniais, de que se establezan mecanismos para a satisfacción de indemnizacións dos danos derivados da demolición antes de que se materialice o derribo e calquer outro aspecto que resulte de interés ós asistentes.

Nova da Voz de Galicia

Vecinos de Lodeiro, contra la sentencia que afecta a sus pisos